ماران آثا
عضو شرف
عدد الرسائل : 417
تاريخ التسجيل : 25/06/2008
 | | موضوع: الفول بطرق كتيررر الأربعاء 02 يوليو 2008, 8:48 pm | |
| الفول المدمس
نصف كيلو فول تدميس ناشف
ربع كوب صغير عدس اصفر
طمطماية متوسطة
ليمونة
الطريقة هى
ننقع الفول من الليل الى الصبح فى ماء بارد بعد كدة نغسلة ونضعة فى قدر التدميس ونضع علية العدس ونقطع الطمطماية علية ونضعة على النار يغلى جيدا وبعد كدة نعصر علية الليمونة عشان ميسودش ويبقى لونة فاتح وجميل والعدس بدل الارز بردة عشان ميغمقش وبعد الغليان نوطى علية النار جدا وتسبية على النار كل ما الماء قل تزودية ماء ساخن وليس بارد لحد ما تلاقية استوى خالص تطفى علية او تحطيه على سخان صغير خاص للتدميس على فكره السخان ده مش غالى فى حدود 25 :30 جنيه مش أكتر من كده و موجد فى أى محل أدوات منزليه وممكن لو كتير تقسمية اكياس وتضعية فى الفريرزر لوقت الحاجة.
[b]بعض افكار للفول
الفول بالزيت و الكمون:يضاف للفول عصير ليمون و ملح و كمون و زيت(ذرة او زيتون زي ماتحبوا)
الفول بالدقة:تجهز دقة من ثوم مدقوق و ملح و كمون و كركم و ليمون و نضيفها عليه مع زيت و ممكن نضيفله طحينة.
الفول بالسلطة:تقطع طماطم مكعبات صغيرة و بصل و فلفل أخضر برضه مكعبات صغيرة و نضيف لهم ملح و كمون و خل و ليمون و نضيفهم للفول و نحط زيت و طحينة حسب الرغبة.
الفول بالطماطم:تقطع الطاطم مكعبات صغيرة و لما الفول يسخن نضيفها و نتركها إلى أن تذبل ثم نضيف الليمون و الملح و الكمون و الزيت.
الفول بالثوم و الطماطم:نقطع فصوص الثوم بالسكين شرائح بالعرض و نقلبها في السمن أو الزبدة حتى يصير اللون ذهبي و بعدين نضيف الطماطم المقطعة مكعبات و نضع ملح و فلفل اسود و بهارات و لما الطماطم تذبل نضيف الفول و نقلبه كويس.
الفول بالباذنجان:لو باقي عندك شوية مسقعة أو باذنجان مقلي أو بابا غنوج قلبيه مع الفول و ضيفي ليمون و ملح و كمون و زيت بيبقى طعمه روعة.
[b]فول بالطحينة فول مدمس طماطمايةمعلقة كبيرة بقدونس مغسول ومفرومنص معلقة صغيرة ثوم مهروسمعلقة كبيرة طحينةمعلقة خلمعلقة عصير ليمون معلقتين كبار زيتملح و كمونالطريقةسخنى الفول واهرسية بالشوكة وقطعى علية الطماطماية قطع صغيرةضعى فى طبق الطحينة والخل والزيت والثوم و البقدونس واخلطيهم كلهم مع بعض وبعدين ضعيهم على الفول وتبلى بالملح والكمون
فول بالفلفل الاخضر
فول مدمسنص معلقة صغيرة ثوم مهروسواحدة فلفل رومى كوب عصير طماطم ملح وفلفل وكمون 2 معلقة زيت
الطريقةضعى الزيت او الزبدة على النار وحمرى فيه الثوم لحد ما يصفر ضعى علية عصير الطماطم وخليها على النار لحد ما تتسبكثم ضعى الفول وشوية مياة صغيرينقطعى الفلفل مكعبات صغيرة وضعية على الفول و تبلى بالملح والكمون يغلو غلوة مع بعض واغرفية
[/b]
وبالف هنا وشفاء
[/b] | |
|
نيفين بنت الفادي
نائبة المدير
عدد الرسائل : 442
تاريخ التسجيل : 13/06/2008
| |
ماران آثا
عضو شرف
عدد الرسائل : 417
تاريخ التسجيل : 25/06/2008
| | موضوع: رد: الفول بطرق كتيررر الأربعاء 02 يوليو 2008, 9:20 pm | |
| ميرسى يا نيفين لمرورك الجميل
ياللا جربى و قوللنا | |
|
